VIVE SIMA UN KRISTON
Kristons verdaderu é konxedu pa amor — Fika kontenti ku verdadi
PAMODI KI É INPORTANTI: Si nu krê imita Jizus, nu debe da tistimunhu di verdadi sobri vontadi di Deus. (Jo 18:37) Tanbê nu debe fika kontenti ku verdadi, konta verdadi i pensa na tudu kes kuza ki é verdadi, nbóra nu sta ta vive na un mundu xeiu di falsidadi i injustisa. — 1Co 13:6; Fil 4:8.
MODI KI TA FAZEDU:
-
Fika disididu na ka obi óras ki pesoas ta pâpia na vida di algen, nen ka bu pâpia na vida di algen. — 1Te 4:11
-
Bu ka debe fika kontenti ku disgrasa di otu algen.
-
Fika kontenti ku kuzas bon i ki ta nkoraja.
ODJA VÍDIU ‘NHOS TEN AMOR PA KUNPANHERU’ — KA BU FIKA KONTENTI KU INJUSTISA, MÁ KU VERDADI, I DIPÔS RESPONDE KES PERGUNTA LI:
-
Modi ki Débura ‘fika kontenti ku injustisa’?
-
Modi ki Ana konsigi muda konbérsu ku Débura pa un bon asuntu?
-
Sobri ki bons asuntu nu pode pâpia?
Ka bu fika kontenti ku injustisa, má ku verdadi