Ki kualidadis ki más bu gosta na un amigu? Txeu algen ta atxa ma un bon amigu ten ki ser lial, bondozu i un algen ki gosta di da. Jeová ten tudu kes kualidadi li. (Êx 34:6; At 14:17) El ta obi óras ki bu ta pâpia ku el na orason. El ta djuda-u óras ki bu meste ajuda. (Sal 18:19, 35) El ta púrdua bus éru. (1Jo 1:9) Ka ten un amigu midjór di ki Jeová!

Modi ki bu pode bira amigu di Jeová? Lé Bíblia pa bu pode konxe-l midjór. Konta-l tudu kuza. (Sal 62:8; 142:2) Mostra ma kes kuza ki é inportanti pa Jeová é inportanti pa bo tanbê. Pur izénplu, da valor pa se Fidju, pa se Reinu i pa kes promésa ki el faze pa futuru. Pâpia ku otus algen sobri Jeová. (De 32:3) Si bu sforsa pa ten un amizadi fórti ku Jeová, el ta bira bu Amigu pa tudu ténpu. — Sal 73:25, 26, 28.

ODJA VÍDIU JÓVENS, ‘NHOS SPRIMENTA I NHOS ODJA MA JEOVÁ É BON’. DIPÔS RESPONDE KES PERGUNTA LI:

• Modi ki bu pode pripara pa da bu vida pa Jeová i batiza?

• Modi ki kes otu algen na kongregason pode djuda-u sirbi Jeová?

• Modi ki pregason ta bira bu amizadi ku Jeová más fórti?

• Ki otus diziginason na trabadju di Jeová bu pode ten?

• Kuzê ki más bu gosta na Jeová?