Jizus prega ‘notísia sábi di Reinu di Deus’. (Lúkas 4:43, BPK  *) Tanbê el inxina algen pidi na orason pa Reinu ben. (Mt 6:9, 10) Na mês di novénbru nu sta ben faze txeu sforsu pa pâpia sobri Reinu di Deus. (Mt 24:14) Faze un prugrama pa bu konsigi partisipa na kel kanpanha li. Tudu kes irmon ki sta pioneru ajudanti na mês di novénbru pode faze 30 ô 50 óra.

Mostra un testu di Bíblia sobri Reinu di Deus pa tudu kes algen na bu tiritóriu ki bu konsigi pâpia ku es. Óras ki bu ta skodje un testu, pensa na kuzê ki kes algen ta kridita na el. Si un algen mostra interesi, da-l Sentinéla pa públiku nunbru 2 di 2020. Dipôs, lógu ki bu konsigi faze kel algen revizita i uza un publikason di nos Feraméntas prinsipal pa inxina pa tenta kumesa un studu di Bíblia. Falta poku ténpu pa Reinu di Deus ben kaba ku tudu govérnu ki é kóntra el. (Da 2:44; 1Co 15:24, 25) Pur isu, nu pruveta dretu kel oportunidadi spesial li pa mostra nos lialdadi pa Jeová i pa se Reinu!