VIVE SIMA UN KRISTON
Midjora bu manera di prega – Insentiva kes algen ki mostra interesi pa sisti runion
PAMODI KI É INPORTANTI: Sisti runion, sénpri ta da-nu xansi di ‘kanta pa Jeová’ i ‘lova-l’. (Sal 149:1) Na runion nu ta inxinadu faze vontadi di Jeová. (Sal 143:10) Kes algen ki ta mostra interesi i kes studanti di Bíblia ki ta sisti nos runion, ta kustuma faze prugrésu más faxi.
MODI KI TA FAZEDU:
-
Óras ki bu ta pâpia ku un algen, konvida-l lógu pa runion. Bu ka meste spéra ti ki konbérsu bira un studu di Bíblia. – Ap 22:17
-
Splika kes algen ki mostra interesi kuzê ki ta kontise na nos runion i kuzê ki ta ba dadu na prósimu runion. Ten três kuza ki pode djuda-u: Konviti pa runion, vídiu Kuzê ki ta kontise na un Salon di Reinu? i lisons 5 i 7 di folhetu Vontadi di Jeová
-
Oferese-s ajuda. Es meste buleia ô ajuda pa skodje ropa ki ta da pa leba pa runion? Xinta djuntu ku es na runion i dexa-s odja na bus publikason. Aprizenta-s pa irmons na kongregason
