TIZORUS DI PALAVRA DI DEUS | SALMO 119
‘Anda na lei di Jeová’
Anda na lei di Jeová krê fla ma nu ta obi di korason ku orientasons di Jeová. Bíblia ta fala di txeu algen ki foi bons izénplu, sima skritor di kel salmo li, ki ta obiba ku lei di Deus i ta kunfiaba na el.
Pa nu ten filisidadi di verdadi nu ten ki anda na lei di Deus
119:1-8
Juzué mostra tudu kunfiansa na orientason di Jeová. El sabeba ma pa el sérba filís i tenba bon rezultadu, el tinha ki kunfiaba na Jeová di tudu se korason
Palavra di Deus ta da-nu koraji pa nu lida ku prublémas di vida
119:33-40
Jeremias mostra koraji i kunfiansa na Jeová kantu el staba ta pasa pa situason difísil. El mante se vida sinplis i el kontínua na se trabadju
Konhisimentu izatu di Palavra di Deus ta da-nu kunfiansa pa nu prega
119:41-48
Apóstlu Polu ka tinha medu di falaba sobri mensájen di Deus ku ningen. El tinha tudu kunfiansa ma Jeová ta djudaba el kantu el ba pâpia ku koraji ku Félis, ki éra un governanti
Na ki situasons ki N pode mostra más kunfiansa na da tistimunhu?
-
Na skóla
-
Na trabadju
-
Ku nhas família
-
Otu situason
