Jizus konsigi da tistimunhu informal pa un mudjer samaritana pamodi el kumesa ta pâpia ku el. Modi ki nu pode midjora nos manera di kumesa pâpia ku un algen ki nu ka konxe?

• Ser sinpátiku i pâpia ku algen. Nbóra Jizus staba kansadu, pa el pode daba kel mudjer tistimunhu, el pidi-l agu pa bebe. Nton bu pode kumesa ta fla mantenha di un manera animadu i dipôs talvês pâpia di modi ki ténpu sta ô di un notísia ki txeu algen sta pâpia na el. Lenbra ma nos primeru obijetivu é kumesa pâpia ku kel algen, nton nu debe pâpia di algun kuza ki pode interesa-l. Si kel algen ka mostra interesi, ka bu fadiga. É sô tenta otu bês ku otu algen i pidi Jeová pa da-u koraji. — Ne 2:4; At 4:29.

• Fika sienti na un oportunidadi di da tistimunhu, má ka bu ten présa. Ka bu insisti, pamodi si bu forsa konbérsu kel algen pode fika sen jetu i tirmina kel konbérsu. Ka bu dizanima si kel konbérsu tirmina antis di bu da kel algen tistimunhu. Si pa bo é difísil da tistimunhu, nton trena kumesa pâpia sen obijetivu di da tistimunhu. [Mostra vídiu 1 i pâpia sobri el.]

• Pâpia di korason di kuzas ki bu ta kridita na el. Asi bu ta kria un oportunidadi pa da tistimunhu i kel-la pode poi kel algen ta faze pergunta. Jizus pâpia di un manera ki poi kel mudjer ku interesi i pô-l faze perguntas. Dipôs kantu Jizus pâpia di notísias sábi, kuzê ki el staba ta faze éra responde perguntas di kel mudjer. [Mostra vídiu 2 i pâpia sobri el, dipôs mostra vídiu 3 i pâpia sobri el.]