Jeová da-nu irmons ku irmans na mundu interu. (1Pe 5:9) Es pode djuda-nu vense dizafius na nos trabadju di pregason. É kel-li ki kontise ku apóstlu Polu. El resebe ajuda di Ákila i Prisila, Silas, Timótiu i otus irmon. — Atos 18:1-5.

Modi ki nos irmons pode djuda-nu na pregason? Es pode da-nu ideias di modi ki nu pode responde óras ki algen ta korta-nu konbérsu, modi ki nu ta faze revizitas ô modi ki nu ta oferese i faze studus di Bíblia. Pensa na un algen na bu kongregason ki pode da-u ajuda ki bu sta meste i dipôs pidi-l pa el djuda-u. Bu pode ten sertéza ma nhos ta ba prende txeu ku kunpanheru i kel-li ta djuda nhos ten más alegria. — Fil 1:25.

ODJA VÍDIU XINTI ALEGRIA NA TRABADJU DI FAZE DISIPLUS — SETA AJUDA DI JEOVÁ — NOS IRMONS. DIPÔS RESPONDE KES PERGUNTA LI:

• Kuzê ki Nádia faze pa insentiva Jael pa sisti runion?

• Pamodi ki é bon konvida otus publikador pa ba ku nos faze studu di Bíblia?

• Ki kuzas Jael ku Abigail tinha igual ku kunpanheru?

• Kuzê ki bu pode prende óras ki bu sta trabadja ku bus irmon na pregason?