Pa musklus di un atléta kontinua fórti el meste trena manenti. Di mésmu manera, nu meste kontinua ta sforsa pa trena i mante nos kapasidadi di pensa. (He 5:14) É verdadi ki alvês ta parse ma é más fásil sô imita kuzê ki otus algen ta faze. Má é inportanti nu dizenvolve nos própi kapasidadi di pensa i di toma disizon. Pamodi? Pamodi kada un di nos ta presta kónta pa disizons ki nu ta toma. — Ro 14:12.

Nu ka debe pensa ma nu ta toma bons disizon sô pamodi dja ten txeu anu ki nu batiza. Pa nu konsigi toma bons disizon, nu meste kunfia sénpri na Jeová, na Bíblia i na organizason. — Jos 1:7, 8; Pr 3:5, 6; Mt 24:45.

ODJA VÍDIU “MANTE UN BON KONSÉNSIA”. DIPÔS RESPONDE KES PERGUNTA LI:

• Ki situason Ema pasa pa el?

• Pamodi ki bu ka debe fla kuzê ki bu ta fazeba, óras ki kel asuntu ta nvolve konsénsia?

• Ki bons konsedju un kazal di idadi da Ema?

• Na undi ki Ema atxa informason ki el mesteba pa el toma un disizon?