Na es ténpu di fin nu sta ta pasa pa txeu prubléma. I sima nu sta ba ta txiga kada bês más pértu di fin, difikuldadis ta ba ta omenta. Alvês nu pode xinti falta di alguns kuza ki nu ta meste pa nu vive. (Hab 3:16-18) Kuzê ki ta djuda-nu ser puzitivu óras ki nu ta lida ku falta di dinheru? Nu debe kontinua ta kunfia na nos Deus, Jeová. El promete ma el ta kuida di se sérvus i el pode faze kel-li na kalker situason. — Sal 37:18, 19; He 13:5, 6.

Kuzê ki bu pode faze:

• Inplora Jeová pa el da-u orientason, sabedoria i pa el djuda-u. — Sal 62:8

• Sta dispostu na seta un trabadju ki nunka bu ka fazeba antis. — g-T 1/10, kuadrus na pájinas 8-9.

• Kontinua ta kuida di bu amizadi ku Jeová. Bu pode faze kel-li óras ki bu ta lé Bíblia tudu dia, sisti runion i partisipa na pregason.

ODJA VÍDIU FAZE UN KAZA KI TA DURA — ‘FIKA KONTENTI KU KUZAS KI BU TEN’. DIPÔS RESPONDE KES PERGUNTA LI:

• Ki prublémas alguns família pasa pa el?

• Kuzê ki debe ser más inportanti na nos vida?

• Modi ki nu pode djuda kes algen ki tene falta di dinheru?