Palavra di Deus ta da-nu tudu kel ki nu meste pa lida ku dizafius na es ténpu di fin ki sta difísil. (2Ti 3:1, 16, 17) Má simé, alvês nu pode meste di ajuda pa atxa kes prinsípiu di Bíblia ki ta aplika na un situason. Pur izénplu, abo é un pai ô un mai ki sta ta buska konsedju di Bíblia sobri kria fidjus? Abo é un adulesenti ki sta pasa pa próvas di fé? Abo é un viúva ô un viúvu ki sta ta sufri pamodi bu mudjer ô bu maridu móre? Na jw.org bu ta atxa informasons ku prinsípius di Bíblia ki pode djuda-u na kes situason li i na otus situason ki pode parse. — Pr 2:3-6.

Bai na pájina prinsipal di jw.org i klika na párti ENSINUS DI BÍBLIA. (Djobe dizenhu 1.) Na kel lista, skodje kel asuntu ki bu meste. Ô bai na BIBLIOTÉKA > GRUPUS DI ARTIGUS i skodje kel asuntu ki bu meste. (Djobe dizenhu 2.) Tanbê bu pode atxa kes párti li na JW Library^®. * Mésmu ki bu ka sta faze piskiza, bu pode sô djobe kes artigu ki sta la. Otu kuza ki bu pode faze é uza kel párti pa faze piskiza na jw.org pa djobe kel asuntu ki bu meste.

Skrebe kes asuntu li na kel párti pa faze piskiza, i toma nóta di kes artigu ki bu ta gostaba di lé.

• Kria fidjus

• Depreson na adulesénsia

• Mórti di maridu ô mudjer