VIVE SIMA UN KRISTON
Pastoris ki ta trabadja pa djuda povu di Jeová
Txeu algen oji ka ta kunfia na kes ki ten autoridadi. Nu ka ta fika dimiradu ku kel-li, pamodi txeu algen dja uza ses autoridadi di manera mariadu. (Miq 7:3) Nu ta fika kontenti pamodi ansions na kongregason ta trenadu pa uza ses autoridadi pa djuda povu di Jeová. — Est 10:3; Mt 20:25, 26.
Diferenti di kes ki ten autoridadi na es mundu, ansions ta faze ses trabadju na kongregason pamodi es ta ama Jeová i se povu. (Ju 21:16; 1Pe 5:1-3) Ku orientason di Jizus, ansions ta djuda kada publikador xinti ma es ta faze párti di família di Jeová i kontinua ku un amizadi fórti ku Jeová. Es sta prontu pa djuda óras ki ovelhas di Jeová meste ajuda spritual i óras ki kontise un imerjénsia di saúdi ô un dizastri. Si bu meste di ajuda, pamodi ki bu ka ta pâpia ku un ansion di bu kongregason? — Tg 5:14.
ODJA VÍDIU PASTORIS KI TA KUIDA DI OVELHAS. DIPÔS RESPONDE KES PERGUNTA LI:
-
Modi ki ansions djuda Mariana?
-
Modi ki ansions djuda Elias?
-
Dipôs di odja vídiu, modi ki bu ta xinti ku trabadju ki ansions ta faze?
