2 ti 8 di setenbru
SALMOS 79-81
Kántiku 29 i orason | Komentárius pa kumesa runion (1 min.)
1. Mostra amor pa nómi di Jeová
(10 min.)
Fika lonji di kes kuza ki Jeová ka gosta. (Sal 79:9; w17.02-T p. 9 par. 5)
Invoka nómi di Jeová. (Sal 80:18; ijwbv-TPO artigu 3 pars. 4-5)
Jeová ta rekonpensa txeu kes ki ta obi ku el i ki ta mostra amor pa se nómi. (Sal 81:13, 16)
Pa nos konportamentu da ónra pa nómi di Jeová, nu ten ki dexa otus algen sabe ma nos é Tistimunhas di Jeová.
2. Jóias ki sta na Bíblia
(10 min.)
-
Sal 80:1 — Pamodi ki alvês es ta uzaba nómi di Juzé pa pâpia di tudu kes tribu di Israel? (it-2-T p. 145)
-
Ki jóias bu atxa na leitura di Bíblia di kel simana li?
3. Leitura di Bíblia
(4 min.) Sal 79:1-80:7 (th studu 10)
4. Kumesa ta pâpia ku pesoas
(1 min.) KAZA EN KAZA. Oferese un studu di Bíblia. (lmd lison 4, pontu 4)
5. Kumesa ta pâpia ku pesoas
(3 min.) TISTIMUNHU INFORMAL. Oferese un studu di Bíblia. (lmd lison 4, pontu 3)
6. Kumesa ta pâpia ku pesoas
(2 min.) TISTIMUNHU NA PÚBLIKU. Oferese un studu di Bíblia. (lmd lison 3, pontu 3)
7. Faze revizitas
(5 min.) KAZA EN KAZA. Oferese un studu di Bíblia pa un algen ki mostra interesi má ki antis ka setaba un studu di Bíblia. (lmd lison 8, pontu 3)
Kántiku 10
8. ‘Es ta ben santifika nha nómi’
(15 min.) Diskursu i komentárius di ken ki sta sisti.
Na jardin di Éden Satanás kalúnia nómi di Jeová. Désdi kel ténpu, disizon más inportanti ki tudu algen i anjus debe toma é si es ta ben santifika nómi di Jeová ô nau.
Odja alguns di kes mintira ku txeu maldadi ki Satanás dja spadja sobri Jeová. El fla ma Jeová é un mau governanti i ma el ka ten amor. (Gén 3:1-6; Jó 4:18, 19) El fla ma kes algen ki ta sirbi Jeová ka ta ama-L di verdadi. (Jó 2:4, 5) Tanbê el konvense milhons di algen pa kridita ma é ka Jeová ki kria kes kuza bunitu ki nu ta odja li na téra. — Ro 1:20, 21.
Modi ki kes mintira li ta pô-u ta xinti? Di serteza, es ta krê pô-u toma un puzison pa difende Jeová! Jeová sabia ma se povu ta ben krê djudaba santifika se nómi. (Konpara ku Isaías 29:23.) Modi ki bu pode djuda faze kel-li?
-
Djuda otus algen konxe i ama Jeová. (Jn 17:25, 26) Sta prontu pa djuda otus algen odja ma Deus ta izisti i inxina-s sobri kes kualidadi bunitu ki el ten. — Is 63:7.
-
Ama Jeová di tudu bu korason. (Mt 22:37, 38) Obi ku leis di Jeová ka sô pamodi es é bon pa bo, má pamodi bu krê dexa Jeová kontenti. — Pr 27:11.
Mostra VÍDIU Amor nunka ka ta kaba sikrê... Ku un mau anbienti na skóla. Dipôs faze kes pergunta li:
-
Modi ki Ariel i Diego difende nómi di Jeová?
-
Pamodi ki es krê difendeba nómi di Jeová?
-
Modi ki bu pode imita ses izénplu?
9. Studu di Bíblia na kongregason
(30 min.) bt kap. 15 pars. 1-7 i intruduson di párti 6
