Djuda kes algen analiza ses kabésa. Faze perguntas ki ta pô-s ta pensa i ki ta djuda-s analiza kuzê ki es ta xinti.

Djuda kes algen ten bon intenson. Insentiva-s pa es analiza pamodi ki es ta faze kuzas dretu. Djuda-s ten midjór intenson, ki é amor pa Jeová, amor pa kunpanheru i pa kuzas ki Bíblia ta inxina. Ka bu pâpia sima si bu sta da-s un reprenson, má djuda-s odja sabedoria na kel ki Bíblia ta inxina. Envês di faze-s preson ô pô-s xinti vergónha, na fin di bu aprizentason nkoraja-s pa es faze ses midjór.

Konsentra na Jeová. Distaka kualidadis di Deus i se amor pa nos na prinsípius, mandamentus i na kuzas ki Bíblia ta inxina. Djuda kes algen pensa na kuzê ki Jeová ta xinti i djuda-s krê agrada-l.