STUDU 6
Splika testu di Bíblia di manera klaru
João 10:33-36
REZUMU: É ka sô lé un testu i dipôs pasa pa otu pontu. Bu meste ten sertéza ma algen ntende dretu kal ki é ligason entri kel testu ki bu lé i kel asuntu ki bu krê splika-s.
MODI KI TA FAZEDU:
-
Sipara kes palavra más inportanti. Dipôs di lé un testu, distaka kes palavra ki ten aver ku kel pontu prinsipal. Bu pode faze kel-li óras ki bu ta ripiti kes palavra. Ô bu pode faze un pergunta ki ta djuda algen diskubri kal ki é kes palavra prinsipal.
-
Distaka kel pontu. Si bu fla klaru pamodi ki bu sta lé un testu, dipôs di le-l splika modi ki kes palavra más inportanti na testu sta ligadu ku kuzê ki bu flaba antis.
-
Splika di manera sinplis. Ivita splika tintin pa tintin kes pontu ki ka é inportanti. Ku bazi na kel ki algen dja sabe sobri kel asuntu, disidi ki otus informason bu meste fla pa bira kel pontu klaru i faxi di ntende.