Skodje ilustrasons sinplis. Sima Jizus faze, uza kuzas pikinoti pa splika kuzas grandi, i kuzas sinplis pa splika kuzas difísil. Ka bu da informasons ki ka meste pa ka bira kel ilustrason konplikadu. Ten sertéza ma bu ilustrason sta di akordu ku lison ki bu sta inxina. Asi algen ka ta fika distraídu ku kes párti di ilustrason ki ka ta aplika ô ki ka ta faze sentidu.

Pensa na kuzê ki algen meste. Skodje ilustrasons sobri kuzas ki kes algen ta faze ô sobri kuzas ki ta interesa-s. Toma kuidadu pa bus ilustrason ka ofende-s nen ka dexa-s ku vergónha.

Inxina kel pontu prinsipal. Konsentra na kes pontu prinsipal di ilustrason envês di na kuzas ménus inportanti. Ten sertéza ma algen ka ta lenbra sô di ilustrason má tanbê di kuzê ki el prende di kel ilustrason.