Informasons
INDIKADORIS Indikadoris sta diziginadu pa djuda-u. Favor sigi orientason ki es ta da-u na undi ki bu debe para karu, na undi ki bu debe entra, pa undi ki bu debe sai, na undi ki bu debe xinta i otus asuntu.
BATISMU Si ka dadu otu indikason, lugar di kes algen ki sta ba batiza é na frenti di palku. Kes algen ki sta ba batiza debe xinta antis di kumesa diskursu di batismu ki ta fazedu sábadu di palmanhan. Tudu es debe sta bistidu dretu i traze tuadja.
KONTRIBUISONS Ta fazedu txeu dispéza pa nu ten un lugar di xinta dretu, aparelhu pa son i pa vídius i otus kuza. Tudu kel-li é pa nu pode sisti nos kongrésu diskansadu i tra pruvetu di prugrama di manera ki ta djuda-nu bira más amigu di Jeová. Bu kontribuison di livri vontadi ta djuda paga kes dispéza li i tanbê ta apoia trabadju ki ta fazedu na mundu interu. Ten kaxas di kontribuison pértu di undi ki bu sta xintadu. Nu ta agradise txeu pa tudu kontribuison ki fazedu. Grupu Enkaregadu ta gostaba di agradise-u pa bu kontribuison di korason pa apoia trabadju di Reinu.
AJUDA PA DUENTIS Favor lenbra ma kel sekson li é SÔ PA KAZUS URJENTI.
KUZAS KI PERDE Kalker kuza ki bu atxa ki é ka di bo, bu debe leba-l pa Sekson di Kuzas ki Perde. Si bu perde algun kuza, ba djobe si el sta na es sekson. Minís pikinoti ki ka sta atxa ses mai ku ses pai debe lebadu pa es sekson. Favor, toma kónta di bus fidju i tene-s djuntu ku bo, asi ta ivita prubléma sen nisisidadi.
LUGAR DI XINTA Favor mostra konsiderason pa otus algen. Lenbra ma bu pode guarda lugar sô pa bu família, pa kes algen ki ben ku bo na bu karu, kes algen ki nhos ta mora djuntu ô kes algen ki ta studa Bíblia ku bo. Favor ka bu poi bus kuza na lugar ki bu ka meste guarda.
SEKSON DI AJUDA Si bu krê djuda na trabadju ki ta fazedu na kongrésu, favor da bu nómi na Sekson di Informason i di Ajuda.
RUNION SPESIAL
SKÓLA PA PREGADORIS DI REINU Pionerus di 23 ti 65 anu ki krê faze más na trabadju di pregason, sta konvidadu pa sisti runion ki ta fazedu dumingu di tardi, pa kes algen ki krê ba Skóla pa Pregadoris di Reinu. Dipôs ta fladu óra i lugar undi ta fazedu.
Organizadu pa Grupu Enkaregadu di Óbra di Tistimunhas di Jeová
