Diskarega:

• Létra di múzika ku pauta

1. 1. Un dia‿un anju ben di séu,

   P’el pâpia ku‿un mudjer fiel.

   Maria éra kel mudjer

   I anju éra Gabriel.

   El fla-l: ‘Maria, Deus skodje-u

   Pa bu ser mai di un bebé.

   El ta ser Fidju di Jeová,

   I el ta ben ser Rei tanbê.’

   (ANTIS DI KORU)

   Maria presta txeu atenson,

   I‿el seta obi di korason.

   (KORU)

   N krê obi ku Jeová sima Maria,

   Ser umildi‿i faze sima‿El fla-m.

   N krê obi ku Jeová ku alegria,

   Faze tudu ki‿el manda-m.

2. 2. Jeová poi vida di Jizus

   Déntu Maria‿i‿el proteje-l.

   Juzé foi obidienti,‿el kaza

   Ku Maria‿i‿el kuida d’el.

   Maria tevi se bebé

   La na sidadi di Belen.

   I tudu kuza kunpri mê

   Sima Jeová dja flaba‿algen.

   (ANTIS DI KORU)

   Juzé‿i Maria da ses midjór

   Pa inxina-l da Jeová lovor.

   (KORU)

   N krê obi ku Jeová sima Maria,

   Ser umildi‿i faze sima‿El fla-m.

   N krê obi ku Jeová ku alegria,

   Faze tudu ki‿el manda-m.

   (KORU)

   N krê obi ku Jeová sima Maria,

   Ser umildi‿i faze sima‿El fla-m.

   N krê obi ku Jeová ku alegria,

   Faze tudu ki‿el manda-m.