KÁNTIKU 134
Fidjus é un eransa di Deus
(Salmo 127:3-5 )
-
1. Óras ki ta nase‿un fidju,
Mai ku pai, nhos alegria é txeu.
El é di nhos, é nhos mininu,
Un vida ki ta ben di Deus.
Pur isu, nhos ka debe skese
Ma tanbê el é di nhos Kriador.
El ten konsedjus ki nhos meste
Pa nhos konsigi kria-l midjór.
(KORU)
Jeová da nhos eransa grandi,
Un vida ki ten txeu valor.
Nhos inxina-l ser obidienti,
P’el vive pa se Kriador.
-
2. Deus ta da se mandamentus,
Pa nhos guarda déntu nhos korason.
Nhos pâpia d’es, nhos da-s izénplu,
Fidjus ta presta atenson.
Nhos debe inxina-s na strada,
N’óra di deta i di labanta-s.
Pa tudu ténpu‿es pode anda
Na kel kaminhu ki nhos mostra-s.
(KORU)
Jeová da nhos eransa grandi,
Un vida ki ten txeu valor.
Nhos inxina-l ser obidienti,
P’el vive pa se Kriador.
(Odja tanbê Deut. 6:6, 7; Efé. 6:4; 1 Tim. 4:16.)
