KÁNTIKU 141
Vida é un milagri
(Salmo 36:9 )
-
1. Lus di palmanhan, un bebé, un flor,
Monti fruta, monti kor, monti sabor...
Deus faze-s pa nos ku se grandi‿amor,
Es é prendas i milagris di Kriador.
(KORU)
Pa vida ki nu ten, nu t’agradise-L.
Nu ta ama Deus pamodi nos vida ben d’El.
Es prenda di nos Pai nu ka pode paga.
Pa sénpri el ta ser milagri di Jeová.
-
2. Sufrimentu‿alvês ta poi txeu algen
Ta dizisti‿i kulpa Deus pa dór k’es ten.
Má kes ki t’ama-l ta krê da-l lovor,
Kada dia di ses vida ten txeu valor.
(KORU)
Pa vida ki nu ten, nu t’agradise-L.
Nu ta ama‿algen pamodi ses vida ben d’El.
Es prenda di nos Pai nu ka pode paga.
Pa sénpri el ta ser milagri di Jeová.
(Odja tanbê Jó 2:9 ; Sal. 34:12; Ecl. 8:15; Mat. 22:37-40; Rom. 6:23.)
