1. Bu pode anda ku Jeová

I vive sima‿el ta fla.

Ser sénpri umildi, justu, lial

I bu ka ta disvia.

É se Palavra ki ta djuda-u,

El ben di Deus pa bo.

Si sénpri bu dexa-l gia-u,

Deus ka ta larga-u bu mô.

2. Bu pode anda ku Jeová

Na bu manera di sta.

Kes txeu tentason, bu ta libra d’es,

El ta djuda-u aguenta.

Kes kuza ki el ta da valor,

K’é justu, linpu‿i bon,

Konsentra n’es, da bu midjór

I faze-s di korason.

3. Si bu ta anda ku Jeová,

Nton, filís bu ta sta.

Mostra-l bu amor i bu gratidon

Pa tudu rekonpénsa.

Lova-l di tudu bu korason

Pa anda sénpri ku‿el.

I mostra mundu ma abo,

Sénpri bu krê ser di sel.