1. Ka ta falta-m kel ki‿N meste.

Jeová Deus é nha Pastor,

Ki konxe dretu ken ki mi é

I ki ta gia-m ku‿amor.

El ta pô-m xinti suguru,

Pur isu‿N ta bai se tras.

Pa kalker lugar ki el ta leba-m,

N ta ten diskansu‿i pas.

Na kes lugar ki el ta leba-m,

N ta ten diskansu‿i pas.

2. Bu ta gia-m na kaminhus

Pa‿N prende bu lei i‿ama-l.

Jeová, N ka krê disvia d’es,

Djuda-m ser algen lial.

Sikrê na lugar sukuru,

Na ténpu di provason,

N ka ta ten medu, bo é nha Deus,

Nha‿amigu ki ta da-m mô.

N ka ten medu, bo é nha Deus,

Nha‿amigu ki ta da-m mô.

 3. Jeová, nha Deus ki‿N ta ama,

É bo ki é nha Pastor.

Pa undi ki bu leba-m, N‿ta bai,

Na bus brasu‿N ten amor.

Pa tudu ténpu ki‿N vive,

Na bu kaza ki‿N krê sta.

Pa‿N konsigi xinti amor lial

Ki bu ten pa mi, Jeová.

Pa‿N pode xinti amor lial

Ki bu ten pa mi, Jeová.