1. Di kenha ki bo é?

Kal deus ki bu ta poi fé?

Bu deus é kel ki bu obi ku‿el,

Si bu sigi-l dja bu skodje-l.

Bu ka ta pode poi

Dôs deus na bu korason.

Nton, ki sinhor ta ten bu amor?

Kel-li é bu disizon.

2. Di kenha ki bo é?

Kal deus ki bu ta poi fé?

Un é verdaderu, otu nau.

Bo ki ta skodje un pa gia-u.

Ka bu da bu amor

Pa mundu di Satanás.

Má, da bu amor pa bu Kriador.

Sô pa Jeová, ningen más.

3. Di kenha ki mi é?

Ami é di Jeová.

Di tudu nha alma‿N ta sirbi-l.

Dja‿N promete-l, N ta kunpri-l.

Ku vida di Jizus,

El paga pa‿N ser di sel.

El mostra-m amor, el da-m txeu valor.

Nton, nha Deus é sô el.