KÁNTIKU 55
Ka nhos xinti medu!
(Mateus 10:28 )
-
1. Nunka ka nhos xinti medu.
Nhos kontinua pregason,
Mésmu ku pirsigison;
Ten txeu di bon korason.
Nhos djuda-s odja ma Kristu
Ta ben prende Satanás.
El é Rei, el ki ta ganha.
Ningen ka ta sufri más.
(KORU)
Nunka ka bu xinti medu,
Mésmu s’inimigu‿é mau.
Sénpri‿N ta sta ku nha sérvu.
Nunka‿N ka ta bandona-u.
-
2. Ka nhos xinti medu d’ómi,
Mésmu si mintira‿es fla;
Ti pankada‿es ta krê da,
Pa nhos forsa‿es pode tra.
Nunka ka nhos xinti medu,
Mésmu s’es ta parse txeu.
Kes lial ta protejedu,
N‿ka ta dexa kes di meu.
(KORU)
Nunka ka bu xinti medu,
Mésmu s’inimigu‿é mau.
Sénpri‿N ta sta ku nha sérvu.
Nunka‿N ka ta bandona-u.
-
3. Ka bu pensa ma‿N ta skese,
Nunka bu ta sta bo sô.
N sta li pa‿N da-u nha mô,
I nha forsa sta ku bo.
Mésmu s’é pa perde vida,
Ka nhos xinti medu d’es.
Kes ki sénpri‿aguenta firmi
Ta ben vive otu bês.
(KORU)
Nunka ka bu xinti medu,
Mésmu s’inimigu‿é mau.
Sénpri‿N ta sta ku nha sérvu.
Nunka‿N ka ta bandona-u.
(Odja tanbê Deut. 32:10; Nee. 4:14; Sal. 59:1; 83:2, 3.)
