KÁNTIKU 75
‘Ale-m li! Manda-m bai!’
(Isaías 6:8 )
-
1. Algen na mundu gósi sta
Ta suja nómi di Jeová.
Alguns ta fla ma Deus ka ten,
M’el ka ta‿nporta ku ningen.
‘Ken ki ta ba fla m’é kasí?
I fla verdadi sobri mi?’
(KORU 1)
‘Jeová, ale-m li! Manda-m bai!
Pa‿N ba fla ben di bo, nha Pai.
Filís ku ónra ki bu ta da-m,
N ta bai! Jeová, manda-m!’
-
2. ‘El é txeu léntu’ es ta fla,
Sen ten ruspetu pa Jeová.
Alguns ta da adorason
Pa deus k’es faze ku ses mô.
‘Ken ki ta bai pa aviza-s
Ma fin sta ben pa‿N ben julga-s?’
(KORU 2)
‘Jeová, ale-m li! Manda-m bai!
N ta ba aviza-s, nha Pai.
Filís ku ónra ki bu ta da-m,
N ta bai! Jeová, manda-m!’
-
3. Kes algen mansu ka ten pas
Ta odja mau t’omenta más.
Ses korason ta buska Deus
Pamodi injustisa‿é txeu.
Ken ki ta bai pa konsola-s?
Ken ki ta bai pa inxina-s?
(KORU 3)
‘Jeová, ale-m li! Manda-m bai!
N ta ba inxina-s, nha Pai.
Filís ku ónra ki bu ta da-m,
N ta bai! Jeová, manda-m!’
(Odja tanbê Sal. 10:4; Eze. 9:4.)
