1. Di kaza‿en kaza nu ta bai

Pa pâpia di Jeová.

Na tudu zóna ô lugar,

Tanbê nu ta sta la.

Notísia sábi ten ki bai

Pa un kalker país,

Pamodi Jizus Kristu fla

Ma mundu ten ki‿obi-s.

2. Na tudu pórta nu ta bai

Pa fla di salvason.

I sta na mô di kada‿algen

Obi-nu ku‿atenson.

Má modi ki‿es ta konxe Deus

Si ka papiadu d’el?

Pur isu‿é inportanti bai

Pa tudu‿algen konxe-l.

3. Di kaza‿en kaza nu ta bai

Pa faze pregason,

I nu ta dexa kada‿algen

Pa toma disizon.

Asi kel nómi di Jeová,

Pesoas ta konxe-l.

I kel ki ten bon korason,

Jeová Deus ta traze-l.