Un vida sinplis
Diskarega:
1. Tudu brilhu ki mundu ten
I ses promésas pa ingana‿algen,
Ta ten un présu altu dimás.
Ser skravu d’es ta tra-nu pas.
(KORU)
Un vida sinplis!
Si nu sprimenta kel-li,
Kel ki nu meste, Jeová ta da.
Ku‿un vida sinplis
Nu ta ser livri‿i filís.
Nu pode kunfia, Jeová ki fla.
2. Si nu ten tétu, ropa i pon,
Nu sta kontenti, kel-la sta bon!
Filisidadi ka sta na ten txeu
Má na poi nos tizorus na séu.
(KORU)
Un vida sinplis!
Si nu sprimenta kel-li,
Kel ki nu meste, Jeová ta da.
Ku‿un vida sinplis
Nu ta ser livri‿i filís.
Nu pode kunfia, Jeová ki fla.
(MUDANSA DI RÍTIMU)
Deus t’abênsua txeu bu fé,
El ka ta diziludi-u.
Lenbra di kel Pai k’el é:
Kel más riku ki pode ten.
Nton sô poi fé n’el.
3. Kes ki skodje‿un vida sinplis pa es,
Ses karga‿é lébi i ses sónu tanbê.
Es ta konsigi da Deus ses midjór
I benson k’El da-s ta ben sen dór.
(KORU)
Un vida sinplis!
Si nu sprimenta kel-li,
Kel ki nu meste, Jeová ta da.
Ku‿un vida sinplis
Nu ta ser livri‿i filís.
Nu pode kunfia!
(KORU)
Un vida sinplis!
Si nu sprimenta kel-li,
Kel ki nu meste, Jeová ta da.
Ku‿un vida sinplis
Nu ta ser livri‿i filís.
Nu pode kunfia, Jeová ki fla.
