Sta kuazi ta kontise
Diskarega
1. Obi pasarinhus kanta,
Odja núvens la ta bai,
Xinti béntu na bu róstu,
Odja sól n’un séu azul ta sai.
Sta la na Paraízu,
Fórti sábi ti dimás!
Mundu novu sô di pas
Sta kuazi ta kontise.
2. Ten un kaza la na monti,
Otu na bera di mar,
Agu linpu na rubera,
Alegria sta na es lugar.
I sta pa tudu ladu
Txeu kumida sábi‿i bon.
Ka ta ten konparason.
Sta kuazi ta kontise.
(MUDANSA DI RÍTIMU)
É sábi sta unidu si
Ku nos amigus ki sta li.
Ta ten amor envês di dór.
Nos tudu jóven, txeu filís.
3. Tudu‿algen ta ri, ta kanta,
Ku kes benson ki es ten.
Más un dia rei di sábi,
Nu ta spéra kes ki sta pa ben.
Ó Jeová, nu t’agradise
Bu karinhu i amor.
Vive sen ten ninhun dór
Sta kuazi ta kontise.
(MUDANSA DI RÍTIMU)
N sunha txeu ku‿es dia li,
Ki‿N ta odja-u filís ta ben.
I ti ki‿enfin dja nu sta li,
I gósi‿N ta brasa-u tanbê.
4. Sta ta ben kontise
I dja ka ta dura txeu.
É Jeová, nos Deus, ki fla-nu.
El é sértu sima sól na séu.
N ta fika txeu kontenti
Sô di pensa na kel-li.
Es promésa k’é pa mi
Dja sta kuazi ta kontise.
