Bu lé tudu artigus di kes últimu Sentinéla? Nton, tenta responde kes pergunta li:

Kuzê ki pode djuda-u kanta más midjór?

Poi livru di kántiku na altura di róstu, respira dretu, abri bóka i dexa vós sai. Asi bu ta konsigi kanta más altu. — w17.11-T, p. 5.

Kuzê ki bu prende sobri kes sidadi di proteson i kes strada ki ta lebaba algen pa la?

Kes 6 sidadi di proteson, ta fikaba na bon lugar i es ta kuidaba dretu di kes strada. Asi, éra faxi kes algen fujiba pa la. — w17.11-T, p. 14.

Pamodi ki resgati é midjór prezenti ki ten?

Resgati ta da-nu xansi di vive pa tudu ténpu i el ta libra-nu di pekadu ku mórti. Jeová ta ama-nu txeu, pur isu, el da-nu es prezenti timenti nos éra pekador. — wp17.6-T, pp. 6-7.

Modi ki Salmo 118:22 ta mostra ma Jizus ta sérba resusitadu?

Es ka seta ma Jizus éra Mísias i es mata-l. Má pa el biraba kel ‘pédra prinsipal di kantu’ el tinha ki sérba resusitadu. — w17.12-T, pp. 9-10.

Pa un algen fazeba párti di kel família ki Misías ta binha, el tinha ki resebeba direitu di primeru fidju?

Alvês kel primeru fidju ta resebeba kel direitu di ser família di Jizus, má nen sénpri é ka éra si. Davidi é ka éra primeru fidju di se pai, má Jizus ben di se família. — w17.12-T, pp. 14-15.

Kuzê ki Bíblia dja flaba sobri modi ki nu debe proteje nos saúdi?

Lei ta flaba ma kes algen ki tinha algun tipu di duénsa devia fikaba lonji di kes otu algen. Kenha ki poba mô na un algen mortu, tinha ki lababa. Es devia intudjaba ses nisisidadi lonji di kaza. Es tinha ki fazeba sirkunsizon oitu dia dipôs ki mininu nase, ki éra ténpu ki mininu ta perdeba ménus sangi. — wp18.1-TPO, p. 7.

Pamodi ki é ka mariadu nu ama nos kabésa?

Nu debe ama otus algen sima nu ta ama nos kabésa. (Mar. 12:31) Maridu debe ‘ama se mudjer sima el ta ama se korpu.’ (Efé. 5:28) Má nu ka debe ama nos kabésa dimás. — w18.01, p. 23.

Modi ki nu pode ten un amizadi fórti ku Jeová?

Nu debe studa Bíblia, pensa na kuzê ki nu studa i faze sima nu prende. Tanbê nu meste sigi orientason di spritu santu, seta ajuda di otus algen i agradise-s. — w18.02, p. 26.

Pamodi ki é ka bon nu tenta dibinha ô uza astrolojia pa sabe futuru?

Ten txeu motivu pa nu ka faze kes kuza li, má kel motivu prinsipal é pamodi Bíblia ta kondena tudu dôs. — wp18.2-TPO, pp. 4-5.

Kuzê ki nu debe lenbra si nu seta un konviti pa bai kume na kaza di un algen?

Si nu seta un konviti, nu debe kunpri nos palavra. (Sal. 15:4) Nu ka debe dexa di bai si nu ka ten un bon motivu. Talvês kel algen ki konvida-nu dja pripara pa resebe-nu.— w18.03, p. 18.

Kuzê ki ansions i ajudantis di kongregason pode prende ku izénplu di Timótiu?

Timótiu ta preokupaba ku otus algen i el ta poba pregason na primeru lugar. El éra trabadjador, el ta fazeba tudu kuza ki el ta prendeba sobri Jeová, el ta trenaba se kabésa i el ta kunfiaba na spritu santu di Jeová. Timótiu é un bon izénplu pa tudu sérvus di Jeová. — w18.04, pp. 13-14.