Nu ta adora Jeová ka sô óras ki nu ta sta tudu djuntu na runion, asenbleia i kongrésu, má tanbê óras ki nu ta sta nos sô ô ku nos família. Odja alguns ideia ki bu pode uza pa faze bu studu pesoal ô bu adorason na família:

• Pripara pa runion. Bu pode kanta kántikus i djuda tudu algen di bu família pripara un komentáriu.

• Lé stórias di Bíblia. Dipôs, faze un dizenhu di algun kuza ki kontise na kel stória ô skrebe algun kuza ki bu prende.

• Lé un orason ki sta na Bíblia i dipôs pensa sobri modi ki el pode djuda-u midjora bus orason.

• Odja un vídiu na jw.org i dipôs pâpia sobri el ku otus algen ô skrebe kuzê ki más bu gosta na kel vídiu.

• Pripara pa pregason. Un algen di família pode ser un algen ki bu sta prega pa el i bu pode trena kuzê ki bu sta ba fla.

• Odja kriason i midita na el ô pâpia sobri kuzê ki el ta inxina-u sobri Jeová. a