MODI KI NU PODE VENSE ÓDIU?
2 | Ka bu vinga
Kuzê ki Bíblia ta fla:
‘Ka nhos paga ningen mal ku mal. Si ta da, na kel ki ta dipende di nhos, nhos mante pas ku tudu algen. Ka nhos vinga, pamodi sta skrebedu: “‘Vingansa é di meu; mi ki ta diskonta’, Jeová fla.”’ — ROMANOS 12:17-19.
Kuzê ki Romanos 12:17-19 krê fla:
É normal nu fika xatiadu óras ki un algen trata-nu mariadu. Má, Deus ka krê pa nu vinga di ningen. El krê pa nu ten paxénxa pamodi el promete ma ka ta dura el ta ben kaba ku tudu injustisa. — Salmo 37:7, 10.
Kuzê ki bu pode faze:
Óras ki un algen ta vinga, kel-li ta traze más ódiu. Pur isu, si un algen ofende-u ô trata-u mariadu, ka bu vinga. Tenta kontrola bu sentimentu i mante pas ku kel algen. Na alguns situason, é midjór skese kuzê ki kontise. (Provérbios 19:11) Má na otus situason, talvês bu debe rezolve kel prubléma. Pur izénplu, si un algen faze un krimi kóntra bo, bu pode ba kexa na pulísia ô na otus autoridadi.
Si nu vinga, nu ta prujudika nos kabésa.
Má, i si ta parse ma ka ten un manera di rezolve kel prubléma na pas? Ô i si dja bu faze tudu kel ki bu pode pa rezolve kel prubléma na pas? Ka bu tenta vinga simé, pamodi kel-li ta piora situason. Má, sforsa pa bu vense ódiu. Deus pode djuda-u rezolve kel prubléma. ‘Kunfia na el, i el ta faze algun kuza pa djuda-u.’ — Salmo 37:3-5.
Bu pode gosta di kes-li tanbê
BÍBLIA TA MUDA VIDA DI ALGEN
N krê lutaba kóntra injustisa
Rafika entra na un grupu ki ta lutaba kóntra injustisa na sosiadadi. Má el atxa kel promésa di Bíblia ma Reinu di Deus ta ben traze pas i justisa.
BÍBLIA TA MUDA VIDA DI ALGEN
Amor ta vense ódiu?
Vense prekonseitu pode ser difísil. Odja modi ki un judeu i un algen di Palestina konsigi faze kel-li.
