Sikrê kel-li ka kontise ku bo, di sertéza dja bu odja otus algen ta sufri pamodi ódiu. Dja nu obi txeu notísia di pesoas ki maltratadu pamodi es é di rasa ô kultura diferenti ô pamodi es é omoseksual. Pamodi kel-li, txeu país sta ta faze lei pa kastiga kes algen ki faze krimi pamodi es ta ôdia otus algen.

Kes algen ki sufri pamodi ódiu, txeu bês ta fika ku ódiu di otus algen. Tanbê, es ta krê vinga i kel-li ta traze más ódiu inda.

Talvês, pesoas dja faze-u diskriminason ô es fla kuzas pa insulta-u. Ô talvês un algen dja julga-u ô amiasa-u pamodi el ta pensa kuzas mariadu di bo. Má ódiu é más di ki kel-li. El pode poi un algen ta faze abuzu seksual, ta faze violénsia, ta mata ô ti ta tenta kaba ku pesoas di otu rasa ô kultura.

Es revista ta ben mostra modi ki nu pode vense ódiu i el ta ben responde kes pergunta li:

• Pamodi ki ten txeu ódiu?

• Modi ki nu pode vense ódiu?

• Ódiu ta ben kaba algun dia?