Bu ta konsigi responde kes pergunta li ku bazi na artigus di Sentinéla di 2019?

Kuzê ki siginifika kel promésa di Deus li: ‘Ka ten ninhun arma ki fazedu kóntra bo ki ta ten bon rezultadu’? (Isa. 54:17)

Nu pode ten sertéza ma Jeová ta proteje-nu di kuzas ki pode prujudika-nu sima ‘folgu di algen mau’. (Isa. 25:4, 5) Ka ten nada ki nos inimigus ta faze ki ta prujudika-nu pa tudu ténpu. — w19.01, pp. 6-7.

Modi ki Jeová mostra se justisa na manera ki el lida ku kes kananeu i ku kes israelita rebéldi?

Deus faze julgamentu kóntra kes ki staba ta faze relason seksual nojéntu i kes ki ta maltrataba mudjeris i kriansas. El abênsua kes algen ki éra obidienti i ki ta trataba otus ku justisa. — w19.02, pp. 22-23.

Kuzê ki nu debe faze si nu sta na un lugar i un algen ki ka ta sirbi Jeová krê faze orason?

Nu pode fika kaladu i mostra ruspetu, má nu ka debe fla “amén” i nen nu ka ta da otus algen mô duránti kel orason. Nu pode disidi faze nos orason na nos korason. — w19.03, p. 31.

Pamodi ki abuzu seksual di mininu é un pekadu gravi?

Abuzu seksual di kriansa é un pekadu kóntra kel mininu, kongregason, autoridadis di govérnu i kóntra Deus. Óras ki leis di govérnus ta iziji pa pesoas fla autoridadis ma talvês un mininu abuzadu di el, ansions ta obi ku kel lei li. — w19.05, pp. 9-10.

Modi ki bu pode muda ô midjora bu manera di pensa?

Kes kuza inportanti ki nu debe faze é: Pâpia ku Jeová na orason. Midita na mudansas ki nu meste faze i skodje bons amigu. — w19.06, p. 11.

Kuzê ki nu pode faze pa nu pripara pa pirsigison désdi gósi?

Nu meste bira nos amizadi ku Jeová más fórti. Ten sertéza ma el ta ama-nu i nunka el ka ta bandona-nu. Lé Bíblia tudu dia i faze orason sénpri. Ten sertéza ma kes benson di Reinu di Deus ta ben kunpri. Nu pode dikora testus di Bíblia ki más nu gosta i kántikus ki ta lova Jeová. — w19.07, pp. 2-4.

Kuzê ki nu pode faze pa djuda nos família salva?

É inportanti nu poi na ses lugar, dexa nos konportamentu da un bon tistimunhu, ten paxénxa i pâpia ku jetu. — w19.08, pp. 15-17.

Di akordu ku promésa di Jizus na Mateus 11:28, modi ki nu ta animadu?

Nu ten kes enkaregadu ki ta ama-nu, kes midjór amigu i kel midjór trabadju. — w19.09, p. 23.

Modi ki Deus pode da-nu dizeju ku forsa pa nu aji? (Fil. 2:13)

Óras ki nu ta lé Palavra di Deus i pensa txeu na el, Deus ta djuda-nu, el ta da-nu dizeju di faze se vontadi i forsa pa nu aji. Se spritu pode midjora kes kapasidadi ki dja nu ten. — w19.10, p. 21.

Kuzê ki nu meste faze antis di toma un disizon inportanti?

Sinku kuza: Faze bons piskiza. Faze orason ta pidi sabedoria. Djobe dretu bus intenson. Ten obijetivus klaru. Ser ikilibradu. — w19.11, pp. 27-29.

Kantu Satanás pâpia ku Eva, el staba ta inxina-l kel ideia ma alma ka ta móre?

Ta parse ma nau. Satanás ka fla Eva ma se spritu ta kontinuaba bibu na un otu lugar. El fla-l ma el ka ta móre. Ninhun ensinu di relijion falsu ka skapa na Dilúviu. Talvês kel ensinu ki ta fla ma alma ka ta móre, kumesa antis di Deus spadja kes algen ki staba ta faze tori di Babel. — w19.12, p. 15.