Spiriénsia

Mostra konpaxon pa tudu algen

Un dia, un irman na Nova Zilándia odja un vídiu na jw.org ki ta pâpia sobri modi ki Jeová ta xinti konpaxon i modi ki el ta mostra-l. (Isa. 63:7-9) El disidi faze sima el prende i djobe oportunidadis di djuda otus algen. Dipôs na kel dia, timenti el staba ta faze kónpra el inkontra ku un mudjer ki ta mora na rua. Kel irman disidi kunpra algun kuza pa kel mudjer kume. Kel mudjer seta. Kantu kel irman volta ku kumida el pruveta pa da-l tistimunhu i el uza kel folhetu ku téma Sufrimentu ta kaba un dia?

Kel mudjer kumesa ta txora. El splika kel irman ma se pai ku se mai éra Tistimunhas di Jeová i es inxina-l sobri Jeová, má el ka faze ninhun prugrésu. Má ka dura li, el staba ta ora pa Jeová ta pidi-l pa djuda-l volta pa el. Kel irman da kel mudjer un Bíblia i el seta un studu di Bíblia. a

Sima Jeová, nu pode mostra konpaxon pa pesoas i kel-li ta inklui nos família i nos irmons ku irmans na kongregason. I nu pode mostra konpaxon óras ki nu ta djobe oportunidadis pa pâpia ku otus sobri Jeová i sobri Bíblia.

[Nóta di rodapé]