Un kazal ki ta lé un stória di vida tudu dia di palmanhan, fla: “Lé kes stória li ta da-nu txeu alegria i nkorajamentu. Es ta lenbra-nu ma nos tanbê nu pode ser fiel na kalker situason.” Un irman ki ta xinti mésmu kuza, fla: “Kes stória di vida li ta konsola-m, ta motiva-m i ta mexe ku mi. Nos irmons ku irmans ten un vida sábi i ku obijetivu. Ses stória ta pô-m ta krê faze más na pregason i es ta djuda-m insentiva nhas fidju pa sirbi Jeová pa ténpu interu.”

Kes stória di vida pode pô-u ta faze más na sirvisu pa Jeová, ta djuda-u vense bus frakéza i ta aguenta firmi i ku alegria óras ki bu ta pasa pa prublémas. Modi ki bu pode atxa kes stória li?

• Bai na grupu di artigus “Stórias di vida di Tistimunhas di Jeová” na jw.org ô na JW Library®.

• Piskiza “Stórias di vida di Tistimunhas di Jeová” na BIBLIOTÉKA NA INTERNET di Tori di Vijia^™ ô na Watchtower Library.