Txeu publikador ta uza JW Library^® pa pripara runion i es gosta txeu pamodi el ta leba-s dirétu pa kes studu di Sentinéla. Má Sentinéla di studu txeu bês ten otus artigu ki ta djuda nos fé bira más fórti. Modi ki bu pode atxa kes artigu li ki pode djuda-u, ki sta na JW Library?

• Na fin di kada artigu di Sentinéla di studu ta parse téma “Matéria adicional”. Dibaxu di el, klika na kel link “Outros artigos neste número”. Djobe lista di asuntus i bu ta odja ma kada artigu di studu ta parse ku un nunbru. Kes otu artigu ki ta sta na Sentinéla ka ten nunbru. Klika na kel artigu ki bu krê lé.

• Otu opson é bai na JW Library na “Início” na párti “Novidades” i diskarega Sentinéla di studu sénpri ki el sta disponível. Dipôs klika na kel revista ki bu krê diskarega i odja lista di asuntus ki el ten. Si bu faze si, bu ta ten serteza ma bu sta ta pruveta dretu, tudu artigu di Sentinéla.