Lé Génesis 37:23-28; 39:17-23 pa bu prende modi ki Juzé aguenta firmi kantu el pasa pa injustisa.

Prende más sobri kuzê ki kontise antis i dipôs. Pamodi ki otus algen trata Juzé di manera injustu? (Gén. 37:3-11; 39:1, 6-10) Duránti kantu ténpu Juzé aguenta injustisa? (Gén. 37:2; 41:46) Duránti kel ténpu, kuzê ki Jeová faze pa Juzé, má tanbê kuzê ki el ka faze? — Gén. 39:2, 21; w23.01 p. 17 par. 13.

Djobe más informason. Bíblia ka ta fla ma Juzé tenta difende se kabésa kóntra kes mintira ki mudjer di Putifar fla. Modi ki kes testu di Bíblia li pode djuda-nu odja pamodi ki Juzé talvês disidi fika kaladu ô pamodi ki nu ka debe spera ten tudu informason sobri kel stória? (Pro. 20:2; Juan 21:25; Atus 21:37) Ki kualidadis talvês djuda Juzé aguenta injustisa? — Miq. 7:7; Luk. 14:11; Tia. 1:2, 3.

Ki lisons ki bu prende. Pensa na kes pergunta li:

• ‘Ki injustisa N pode spera pasa pa el dja ki mi é un disiplu di Jizus?’ (Luk. 21:12, 16, 17; Ebr. 10:33, 34)

• ‘Kuzê ki N pode faze pa djuda-m aguenta un injustisa?’ (Sal. 62:7, 8; 105:17-19; w19.07 pp. 2-7)