STUDU 39
‘N odja un monti di algen’
‘N odja un monti di algen ki ninhun ómi ka ta konsigi kontaba, sakédu dianti di tronu i dianti di Korderu’. — APOCALIPSE 7:9.
KÁNTIKU 60 Mensaji ki ta salva vida
KUZÊ KI NU STA BEN STUDA *
1. Ki situason difísil apóstlu Juan pasa pa vólta di anu 95 D.J.?
PA VÓLTA di anu 95 D.J., apóstlu Juan staba ta pasa pa un situason txeu difísil. Dja el staba algen grandi kantu el podu prézu na ilha di Pátmus, i talvês el éra úniku apóstlu ki inda staba bibu. (Apo. 1:9) El sabia ma inimigus staba ta ngana kongregasons i ta kria divizons. Ta parseba ma kristons di verdadi staba kuazi ta dizaparse. — Jud. 4; Apo. 2:15, 20; 3:1, 17.
Apóstlu Juan odja ‘un monti di algen’ bistidu ku ropa branku kunpridu i ku fódjas di palmera na ses mô (Odja parágrafu 2.)
2. Di akordu ku Apocalipse 7:9-14, ki grandi vizon Juan tevi? (Odja dizenhu na kapa.)
2 Timenti Juan staba na kel situason difísil, Deus pô-l ta ten un grandi vizon sobri futuru. Na kel vizon, kuatu anju resebe órdi di pega riju kes béntu di distruison di kel grandi tribulason, ti ki seladu kel grupu di skravus. (Apo. 7:1-3) Kel grupu é formadu pa 144 mil algen ki ta ba governa ku Jizus na Séu. (Luc. 12:32; Apo. 7:4) Dipôs, Juan odja un otu grupu, uma grandi ki el fla: ‘N odja un monti di algen ki ninhun ómi ka ta konsigi kontaba, di tudu nason, tribu, povu i língua, sakédu dianti di tronu i dianti di Korderu’. (Lé Apocalipse 7:9-14.) Imajina modi ki Juan fika kontenti di sabe ma na futuru, un monti di algen ta binha adoraba Deus sima el krê!
3. (a) Pamodi ki vizon di Juan ta poi nos fé ta fika más fórti? (b) Kuzê ki nu sta ben odja na kel studu li?
3 Nu pode ten sertéza ma kel vizon poi fé di Juan más fórti. I anos, ki ta vive na ténpu di fin, nos fé ta fika inda más fórti pamodi nu sta vive na ténpu ki kel vizon sta ta
kunpri! Nu sta odja milhons di algen ta kumesa ta adora Jeová i es ten speransa di salva na grandi tribulason. Tanbê, es ten speransa di vive pa tudu ténpu li na Téra. Na kel studu li, nu sta ben prende modi ki Jeová poi se povu ta sabe, dja ten más di 80 anu, ken ki é kel un monti di algen. Dipôs, nu sta ben pâpia di dôs kuza sobri kel monti di algen: (1) se tamanhu i (2) es é di tudu rasa. Kes dôs kuza li, ta ben omenta fé di tudu kes ki ten kel speransa di faze párti di kel grupu li.UNDI KI KEL MONTI DI ALGEN TA BEN VIVE?
4. Ki verdadi di Bíblia txeu bês relijions ka ta inxina? Modi ki Studantis di Bíblia mostra ma es éra diferenti?
4 Txeu bês, relijions ka ta inxina verdadi di Bíblia ma un dia kes algen ki ta obi ku Deus ta ben vive pa tudu ténpu na Téra. (2 Cor. 4:3, 4) Kuazi tudu relijions ki ta fla ma es ta sigi Kristu ta inxina ma tudu kes algen dretu óras ki es móre es ta bai pa Séu. Má, Studantis di Bíblia ki dja ta fazeba revista Sentinéla désdi 1879, ta pensaba diferenti. Es ta ntendeba ma Deus ta ben bira Téra un paraízu i ma milhons di algen ki ta obi ku el ta ben viveba li na Téra, envês di bai pa Séu. Má, leba ténpu pa es ntende ken ki ta sérba kes algen la. — Mat. 6:10.
5. Kuzê ki Studantis di Bíblia ntende sobri kes 144 mil?
5 É klaru ki Studantis di Bíblia tanbê ntende ma di akordu ku Palavra di Deus, alguns ta sérba ‘kunpradu di Téra’ pa governa ku Jizus na Séu. (Apo. 14:3) Kel grupu ta sérba formadu pa 144 mil kriston zelozu i didikadu, ki sirbi Deus ku lialdadi timenti es staba na Téra. Má, i kel monti di algen?
6. Kuzê ki Studantis di Bíblia ta ntendeba sobri kel monti di algen?
6 Juan odja ma kel monti di algen staba ‘sakédu dianti di tronu i dianti di Korderu’. (Apo. 7:9) Kes palavra li poi kes Studanti di Bíblia ta txiga konkluzon ma kel monti di algen tanbê ta ba moraba na Séu, sima kes 144 mil. Má, si 144 mil i kel monti di algen ta ba vive na Séu, kal ki éra ses diferénsa? Kes Studanti di Bíblia ta pensaba ma kel monti di algen éra formadu pa kristons ki ka obi ku Deus na tudu kuza, kantu es staba na Téra. Nbóra kes kriston ta sigiba leis sobri konportamentu ki sta na Bíblia, talvês inda es ta fazeba párti di algun relijion falsu. Kes Studanti di Bíblia ntende ma kes kriston tinha algun zelu, má ka ta txigaba pa es sérba reis djuntu ku Jizus. Dja ki es ka tinha un grandi amor pa Deus, kel monti di algen sô ta podia fikaba na Séu dianti di tronu, má es ka podia xintaba na tronu.
7. Di akordu ku kes Studanti di Bíblia ken ki ta ba viveba na Téra duránti kel Govérnu di 1000 anu? Kuzê ki es ta kriditaba ma ta kontiseba ku kes sérvu fiel di ténpu antigu?
7 Nton, ken ki ta ba viveba na Téra? Kes Studanti di Bíblia ta kriditaba ma dipôs ki 144 mil i kel monti di algen bai pa Séu, milhons di algen ta ganhaba xansi di vive na Téra, i resebe bensons di Kristu, duránti kel Govérnu di 1000 anu. Kes Studanti di Bíblia ka ta atxaba ma kes milhon di algen éra kes ki dja ta sirbiba Jeová antis di govérnu di Kristu. Es ta atxaba ma kel grupu ta prendeba sobri Jeová duránti kel Govérnu di 1000 anu. Na fin di 1000 anu, kes ki sigi leis di Sal. 45:16.
Jeová ta ganhaba vida pa tudu ténpu na Téra, má kes rebéldi ta sérba distruídu. Tanbê, kes Studanti di Bíblia ta kriditaba ma alguns di kes ki ta sirbiba sima ‘prínsipis’ na Téra, duránti kel ténpu ta podia baba pa Séu na fin di 1000 anu. Entri kes prínsipi, ta staba kes sérvu fiel ki móre antis di Jizus Kristu i ki ta sérba resusitadu. —8. Ki três grupu kes Studanti di Bíblia ta kriditaba ma tinha?
8 Nu pode fla ma kes Studanti di Bíblia ta kriditaba ma tinha três grupu: (1) kes 144 mil, ki ta ba governaba ku Jizus na Séu; (2) kel monti di algen di kristons ki ka tinha mutu zelu, ki ta staba sakédu dianti di tronu di Jizus na Séu i (3) milhons di algen ki ta ben viveba na Téra i ki ta prendeba sobri Jeová duránti Govérnu di Kristu di 1000 anu. * Má, na ténpu sértu, Jeová ta djudaba es ntende kel asuntu li más klaru. — Pro. 4:18.
LUS DI VERDADI LÍMIA MÁS KLARU
Na kongrésu di 1935, txeu algen ku speransa di vive na Téra batizadu (Odja parágrafu 9.)
9. (a) Di ki manera kel monti di algen pode sta ‘dianti di tronu i dianti di Korderu’? (b) Pamodi ki ntendimentu di Apocalipse 7:9 ta faze sentidu?
9 Na anu di 1935, fika klaru ken ki éra kel monti di algen ki Juan odja na kel vizon. Tistimunhas di Jeová ntende ma kel monti di algen ka meste bai pa Séu pa ba fika ‘sakédu dianti di tronu i dianti di Korderu’. Pamodi es podia fazeba kel-la mésmu ta vive li na Téra. Sta ‘dianti di tronu’ siginifika ma nu ta rekonhise autoridadi di Jeová i nu ta obi ku el. (Isa. 66:1) Sta ‘dianti di Korderu’ siginifika mostra fé na resgati di Jizus. Tanbê, na Mateus 25:31, 32 ta fla ma ‘tudu nasons’, ki ta inklui kes algen mau, ta ben ‘djuntadu dianti’ di Jizus na se tronu na Séu. Má, é klaru ki kes nason ka sta na Séu, má na Téra. Kel novu ntendimentu li ki Tistimunha di Jeová tevi na anu di 1935 ta faze sentidu. El ta splika pamodi ki Bíblia ka ta fla ma kel monti di algen ta lebadu pa Séu. Sô un grupu ki ten speransa di vive pa tudu ténpu na Séu, ki é 144 mil, ki ta ben ‘governa riba’ Téra djuntu ku Jizus. — Apo. 5:10.
10. Pamodi ki kel monti di algen meste prende sobri Jeová antis di Govérnu di 1000 anu?
10 Nton, désdi anu di 1935, Tistimunhas di Jeová ntende ma kel monti di algen ki Juan odja é formadu pa un grupu di kristons fiel ki ten speransa di vive pa tudu ténpu na Téra. Pa kel monti di algen salva di kel grandi tribulason, es meste prende sobri Jeová antis di kumesa kel Govérnu di 1000 anu. Es meste ten un fé fórti ‘pa es konsigi skapa di tudu kes kuza ki ten ki kontise’ antis di kumesa Govérnu di Kristu di 1000 anu. — Luc. 21:34-36.
11. Pamodi ki alguns Studanti di Bíblia ta pensaba ma talvês alguns algen ta lebadu pa Séu dipôs di Govérnu di 1000 anu?
11 I sobri kel ideia ma alguns algen fiel na Téra ta lebadu pa Séu dipôs di Govérnu di 1000 anu? Dja ten txeu anu ki Sentinéla di 15 di febreru di 1913, na inglês, dja papiaba sobri kel ideia li. Alguns Studanti di Bíblia ta flaba: ‘Pamodi ki ómis di ténpu antigu ki éra fiel ta ben resebe sô un eransa na Téra, timenti kristons ki nen ka foi txeu fiel ta ben rekonpensadu ku vida na Séu?’ É klaru ki kel manera di pensa staba ku bazi na kes dôs ideia
mariadu li: (1) ma kel monti di algen ta ba viveba na Séu i (2) ma kel monti di algen ta sérba formadu pa kristons ki ka éra txeu zelozu.12-13. Kuzê ki kes kriston skodjedu ku spritu santu i kel monti di algen ta rekonhise?
12 Má sima nu odja, désdi anu di 1935 Tistimunhas di Jeová ntende ma pesoas ki ta salva na Armajedon é kes ki ta forma kel monti di algen di vizon di Juan. Es ta sai ‘di grandi tribulason’ li mê na Téra i es ta ben fla ku vós altu: ‘Nu salva pamodi nos Deus ki sta xintadu na tronu i pamodi Korderu’. (Apo. 7:10, 14) Tanbê Bíblia ta inxina ma kes ki ta resusitadu pa vive na Séu, ta resebe ‘un kuza midjór’ di ki kes ómi fiel na ténpu antigu. (Heb. 11:40) Nos irmons fika kontenti sobri kel novu ntendimentu di kel monti di algen. Es kumesa ta konvida pesoas pa sirbi Jeová i vive pa tudu ténpu na Téra.
13 Kel monti di algen ta fika txeu kontenti pamodi speransa ki es ten. Es ta ntende ma Jeová ten tudu direitu di disidi si se adoradoris fiel ta sirbi-l na Séu ô na Téra. Kes kriston skodjedu ku spritu santu i kel monti di algen ta rekonhise ma es ta ganha ses rekonpénsa ka pamodi es merese, má é sô pamodi Jeová ten bondadi i el faze-l através di resgati di Jizus Kristu. — Rom. 3:24.
GRANDI NA TAMANHU
14. Dipôs di 1935, pamodi ki txeu algen ta perguntaba modi ki profesia sobri kel monti di algen ta ben kunpriba?
14 Dipôs di kel novu ntendimentu na anu di 1935, txeu algen inda fika ta pergunta modi ki kel monti di algen ki tinha speransa di ben vive na Téra ta biraba grandi na tamanhu. Pur izénplu, Ronald Parkin, ki tinha 12 anu kantu splikadu novu ntendimentu, fla: “Na kel ténpu tinha uns 56 mil publikador na mundu interu, i txeu di es, talvês kuazi tudu es éra kristons skodjedu ku spritu santu. Nton kel monti di algen ka ta parseba mutu grandi.”
15. Modi ki Jeová ba ta djunta un monti di algen duránti anus?
15 Má duránti anus, organizason kumesa ta manda misionárius pa txeu país i nunbru di Tistimunhas di Jeová kontinua ta omenta. Dipôs, na anu di 1968, kumesa un prugrama di studu di Bíblia ku bazi na livru A Verdade Que Conduz à Vida Eterna. Txeu algen kumesa ta sirbi Jeová más di ki nunka Isa. 60:22) Ka dura li, organizason di Jeová faze txeu feraménta ki ta da bons rezultadu, pa djuda más algen prende kuzê ki Bíblia ta inxina. Oji ten más di 8 milhon di publikador. Di sertéza nu pode odja ma Jeová sta djunta un monti di algen.
pamodi kel livru ta splikaba verdadi di un manera sinplis. Déntu di kuatu anu, más di 500 mil algen batizadu. Tanbê Igreja Katóliku kumesa ta perde puder na Mérka Latinu i na otus país, i nos trabadju di pregason dja ka staba proibidu na paízis di Europa i na alguns párti di Áfrika, i milhon di algen batizadu. (ALGEN DI TUDU NASON
16. Di undi ki kel monti di algen sta ta ben?
16 Kantu Juan skrebe se vizon, el fla ma kel monti di algen ta binha di ‘tudu nason, tribu, povu i língua’. Proféta Zakarias dja flaba un kuza sima kel-li txeu ténpu antis. El skrebe: ‘Na kel ténpu, 10 ómi di tudu língua di nasons ta ben pega, es ta ben pega riju na ropa di un judeu i es ta fla: “Nu krê bai ku nhos, pamodi nu obi ma Deus sta ku nhos.”’ — Zac. 8:23.
17. Ki trabadju sta ta fazedu na tudu nason i língua?
17 Tistimunhas di Jeová sabe ma sô es Mat. 24:14; João 13:35.
ta konsigi djunta algen di tudu língua si pregadu notísias sábi na monti língua. Dja ten más di 130 anu ki nu ta traduzi txeu publikason pa studa Bíblia, má oji nu sta ta traduzi na más di 900 língua. Kel-li é trabadju más grandi di traduson ki dja fazedu! Di sertéza, djunta un monti di algen di tudu nason, é un milagri di Jeová na nos ténpu. Gósi ki dja nu ten publikason na mutu más língua, kel monti di algen, sikrê es é di rasa diferenti, es sta unidu na adorason pa Jeová. I Tistimunhas di Jeová é txeu konxedu pa prega verdadi ku zelu i pa amor ki es ten pa kunpanheru. Odja tudu kel-li ta bira nos fé más fórti! —KUZÊ KI KEL VIZON TA SIGINIFIKA PA NOS?
18. (a) Di akordu ku Isaías 46:10, 11, pamodi ki nu ka ta fika spantadu di odja modi ki Jeová sta ta kunpri profesia sobri kel monti di algen? (b) Pamodi ki kes ki ten speransa di vive na Téra ka ta xinti ma es podu di párti?
18 Profesia sobri kel monti di algen ta da-nu txeu alegria. I odja modi ki Jeová sta ta kunpri kel profesia li di un manera bunitu ka ta spanta-nu. (Lé Isaías 46:10, 11.) Kes ki ta faze párti di kel monti di algen ta agradise pa speransa ki Jeová da-s. Es ka ta xinti ma es podu di párti sô pamodi es é ka kriston skodjedu ku spritu santu ki sta ba sirbi ku Jizus na Séu. Óras ki nu ta lé Bíblia, bu ta atxa stória di txeu ómi ku mudjer di fé ki giadu pa spritu santu. Má simé, es ka ta faze párti di kes 144 mil. Un izénplu é di Juan Batista. (Mat. 11:11) Otu izénplu é di Davidi. (Atos 2:34 ) Juan Batista, Davidi i un monti di otus algen, ta ben ser resusitadu ku vida na un paraízu na Téra. Kes resusitadu i kes monti di algen ta ben ten xansi di mostra ma es é lial pa Jeová i pa se govérnu.
19. Kuzê ki ntendimentu sobri vizon di Juan ta pô-nu ta faze?
19 Nunka antis na stória di ómi Jeová ka uniba milhons di algen di tudu nason. Ka ta nporta kal ki é nos speransa, di vive na Séu ô na Téra, nu ten ki faze tudu ki nu pode pa nu djuda pesoas faze párti di kel monti di algen di ‘otus ovelha’. (João 10:16 ) Ka ta dura, Jeová ta ben traze kel grandi tribulason ki ta ben distrui govérnus i relijions ki sta traze sufrimentu pa umanus. I tudu kes ki ta faze párti di kel monti di algen ten un priviléjiu grandi pa frenti ki é sirbi Jeová na Téra pa tudu ténpu! — Apo. 7:14.
KÁNTIKU 139 Odja bu kabésa na Paraízu
^ par. 5 Na kel studu li nu sta ben odja ma apóstlu Juan tevi un vizon ki ta mostra ma ta ben djuntadu un ‘monti di algen’. Di sertéza, fé di tudu kes algen ki ten kel grandi speransa li ta fika más fórti.
^ par. 8 Odja Testemunhas de Jeová — Proclamadores do Reino de Deus, pp. 159-163, na purtugês.