Pai ku mai ten responsabilidadi grandi di inxina ses fidjus sobri Jeová. (Efé. 6:4) Pa djuda pai ku mai, organizason di Jeová dja faze txeu artigu, vídius i múzikas. Modi ki nhos pode uza-s pa trena nhos fidjus?

• Bai na JW.ORG. Bu pode atxa tudu vídiu, artigus i atividadis ki fazedu pa kriansas. a Pa atxa-s, skrebe “Kriansas” ô “Jóvens” na lugar di faze piskiza.

• Skodje kuzê ki é midjór pa bu fidju. Na párti “Kriansas” bu pode skodje vídius, artigus i atividadis ki bu ta atxa ma ta djuda bu fidju.

• Pasa ténpu ku bus fidju. Ka bu poi bu fidju ta odja kes vídiu i ta faze kes atividadi sô pa el fika okupadu. Má envês di kel-li, pâpia ku bu fidju sobri es i djuda-l bira amigu di Jeová.