Na dia 27 di janeru di 2023, txeu algen ta komemora kel dia internasional pa lenbra di kes milhon di judeu ki nazistas mata. Kel grandi maldadi li, ki dja ten 75 anu ki kontise, pode pô-u ta pergunta pamodi ki Deus dexa kes judeu matadu.

•   Pa bu sabe kuzê ki Bíblia ta fla, lé artigu “Pamodi ki matadu txeu judeu na Europa? Pamodi ki Deus ka inpidi kel-la?”.

 Judeus sufri txeu kantu nazistas tenta mata tudu es. Fazedu planus pa mata milhons di algen. Tanbê pesoas di otus grupu matadu duránti kel ténpu. Entri es staba Tistimunhas di Jeová, ki pirsigidu pamodi ses krénsa ki ten bazi na Bíblia.

•   Pa bu sabe más, lé artigu “Kuzê ki kontise ku Tistimunhas di Jeová duránti kel ténpu ki nazistas mata milhons di judeu?”.

 Txeu algen ten medu ma un kuza sima kel ki nazistas faze ku judeus pode ben kontise otu bês. Nu ta fika kontenti pamodi Bíblia ta mostra ma na futuru, kes kuza sima kel-li ka ta ben kontise más.

•   ‘Jeová fla: “N sabe dretu kuzê ki N sta pensa pa nhos. N krê pa nhos ten pas envês di disgrasa. N krê da nhos un futuru i un speransa.”’ — Jeremias 29:11. a

 Kel speransa li ta ben kunpri, óras ki Jeová ben kaba ku maldadi i disfaze tudu kes stragu ki ta kontise pamodi maldadi. Ka ta dura Deus ta ben:

•   Kaba ku kes algen mau. — Provérbios 2:22.

•   Kura tudu kes algen ki sta sufri. — Apocalipse 21:4.

•   Resusita kes algen ki dja móre pa es ben vive li na téra. — Juan 5:28, 29.

 Bu pode kunfia na kel speransa ki Bíblia ta da. Pa bu sabe más, nu ta konvida-u pa bu studa Bíblia di grasa ku ajuda di un algen.