•   “Kuazi metadi di adultu na Mérka fla ma es ta xinti es sô. Entri es, ki más ta xinti es sô é kes ki tene entri 18 ti 25 anu.” — Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Organizason Mundial di Saúdi] fla ma es skodje un grupu di algen pa faze piskiza sobri solidon, ki é un prubléma di saúdi urjenti, pa insentiva pesoas pa konsentra na dizenvolve amizadis ku otus i pa atxa más manera pa lida midjór ku solidon na tudu país, sikrê es é txeu póbri.” — Organizason Mundial di Saúdi, 15 di novenbru di 2023.

 Bíblia ten konsedjus ki ta djuda dizenvolve bons amizadi ku otus.

 Ivita faze kes kuza ki ta pô-u ta xinti bo sô. Un di kes kuza é ivita uza redi sosial txeu dimás. Envês di kel-li, di vês en kuandu djobe manera di sta ku pesoas i faze amigus di verdadi.

•   Konsedju di Bíblia: ‘Un amigu di verdadi ta ama tudu óra i el é un irmon ki nase pa ténpu di frónta.’ — Provérbios 17:17.

 Djobe oportunidadis di djuda pesoas. Óras ki nu ta faze bons kuza pa otus, nos amizadi ku es ta fika más fórti i tanbê kel-li ta pô-nu ta xinti más filís.

•   Konsedju di Bíblia: “Nu ta ser más filís óras ki nu ta da di ki óras ki nu ta resebe.” — Atus 20:35.

 Entra na jw.org pa atxa más informason na Bíblia sobri modi ki bu pode faze bons amigu.