Na dia 7 di Abril di noti, mostradu diskursu di Komemorason, ki dja staba gravadu, na dôs kadia ki ta fika na sidadi di Palm Beach, na Flórida pa más di 1.100 prézu, nbóra ninhun Tistimunha di Jeová ka podia staba la pa faze Komemorason.

Un di kes 12 irmon ki ta partisipa na pregason, ki ta fazedu na kes kadia tudu simana, fla: “Nu fika txeu dimiradu pamodi tudu kuza kóre dretu. Fika klaru ma Jeová kria pa kes ómi obi diskursu di Komemorason.”

Irmons staba ta tenta ten autorizason di responsável di relijion na kadia pa es podia faze Komemorason na kes dôs kadia. Pamodi koronavírus podu alguns limiti, pur isu planu di nos irmons dja ka ta daba más. Antis di irmons ranja un otu planu, kel responsável di relijion na kadia pergunta-s si es ka tinha diskursu di Komemorason gravadu. Dja el staba ta pripara pa el mostra diskursu na kes dôs kadia.

Alén di manda diskursu di Komemorason, kes irmon kria mandaba konviti di Komemorason pa kel responsável di relijion na kadia da ô mostra kes prézu. Más un bês, irmons fika spantadu pamodi kel responsável di relijion dja poba avizus sobri diskursu di Komemorason na kes kadia. Na kel noti di Komemorason, tudu prézu podia odjaba kel diskursu ku bazi na Bíblia.

Dipôs di Komemorason, kel responsável di relijion na kes kadia pidi irmons pa ranja-l más Bíblia pa el da prézus, pamodi kes Bíblia ki es dexaba la ka txiga pa da tudu kes prézu ki pidi.

Nu ta fika kontenti pamodi nen gradi di kadia ka ta pode inpidi Palavra di Deus di txiga na pesoas. — Mateus 24:14.