Kel kongrésu ki fazedu na Cedar Point, Ohio, na Mérka, na anu 1922, é un runion txeu inportanti pa Tistimunhas di Jeová, pamodi na kel kongrésu la Irmon Joseph Rutherford nkoraja tudu algen pa prega sobri Reinu.

Má kel kongrésu foi inportanti pamodi un otu motivu: el filmadu. Má ti oji, ka atxadu ninhun kópia di kel vídiu ki fazedu.

Un fotu di kongrésu internasional di setenbru di 1922 ta mostra un palku pikinoti ku un kanbra di filma, ki priparadu pa filma pártis di kel runion inportanti. Na kel ténpu kanbra di filma éra un tekinolojia novu.

Ta parse ma txeu algen odja kel vídiu. Pur izénplu, un jornal tinha un avizu sobri kel vídiu. Kel avizu ta konvidaba pesoas pa “odja kel kongrésu na kaza. Odja bus amigu, odja diskursu di batismu.” Tanbê na kel jornal tinha sujiston pa pregason: “Konvida bus vizinhu i uza kel vídiu pa da-s tistimunhu. Pidi un kópia gósi.”

Si bu sabe na undi ki ten un kópia di kel vídiu li, pur favor manda un mensájen pa Dipartamentu di Muzeu pa kel email li: MuseumDonations@jw.org. Ô skrebe pa sédi mundial di Tistimunhas di Jeová pa kel nderésu li: 1 Kings Drive, Tuxedo Park, NY 10987. Nu ta spéra ma nu ta atxa es vídiu ki é inportanti pa stória di Tistimunhas di Jeová.