Grupu Enkaregadu di Óbra aviza ma es konvida alguns filial pa partisipa na un prugrama pa sprimenta kumesa faze alguns runion otu bês na Salon di Reinu. Kes filial ki sta partisipa, ta skodje kes Salon di Reinu ki ta fika na kes lugar ki kuazi tudu algen dja toma vasina i ki ten poku algen ki sta panha COVID-19. É klaru ki tudu kuza ki ten aver ku es prujétu ta fazedu di akordu ku leis di autoridadis di govérnu sobri faze runion na un sala. Kel avizu li ledu pa famílias di Betel na mundu interu na dia 15 di otubru di 2021.

É rezultadu di kel prugrama li ki ta ben mostra si otus kongregason ta aprovadu pa kumesa faze runions na Salon di Reinu otu bês. Kel avizu ta flaba tanbê, ma normalmenti, nu ka ta kumesa ta faze runions ô asenbleias tudu djuntu na mésmu lugar ti peloménus dia 1 di janeru di 2022.

Nu sta kontenti pamodi Grupu Enkaregadu di Óbra sta ta kuida di irmons na mundu interu i ta toma disizons ku kuidadu pa kumesa kes atividadi di organizason otu bês. Favor, nhos ora pa Jeová kontinua ta orienta i ta abênsua kes disizon li. — Provérbios 14:16.