Na dia 1 di junhu di 2023, Departamento de Conservação do Meio Ambiente do Estado de Nova Iorque da aprovason pa nu tra kes arvi ki dja staba kortadu. Kel trabadju di korta tudu kes arvi tirmina na dia 18 di marsu, ki éra uns dôs simana antis di kel data ki autoridadis daba autorizason pa korta arvis.

Irmon Robert McRedmond, ki é kordenador di Kumison di Prujétu di Konstruson na Ramapo, fla: “Nu ta intende ma na prujétus grandi sima kel-li, kada autorizason i aprovason ta djuda-nu fika más pértu di kumesa konstruson. Dja nu odja Jeová ta djuda-nu rezolve txeu prubléma i nu tene vontadi di odja-l ta djuda-nu rezolve kes otu prubléma ki sta pa ben.” — Isaías 57:14.

Kumison di Prujétu di Konstruson sta kontinua ta trabadja ku autoridadis di Ramapo pa es konsigi tudu kes aprovason ki es meste.