Na dia 15 di abril di 2022, milhons di Tistimunhas di Jeová na mundu interu djunta ku ses konvidadu pa komemora Seia di Sinhor. Kel-li foi primeru bês désdi 2019 ki kel runion inportanti li fazedu na Salons di Reinu ô na otus lugar. Kel runion li tanbê dadu pa internet pa kes algen ki ka konsigi bai sisti na Salon.

Komemorason di mórti di Kristu é kel runion más inportanti di anu pa Tistimunhas di Jeová. Duránti kes últimu dôs anu, kel runion li fazedu pa internet pamodi koronavírus. Na 2021, más di 21 milhon di algen sisti Komemorason.

Pa alguns algen, sima Markensia Remy di Aiti, kel-li foi kel primeru Komemorason ki es sisti na Salon di Reinu. Markensia, ki dja ten un anu batizadu, fla: “N sta txeu kontenti di sisti Komemorason na Salon di Reinu. Ka ten palavras pa splika modi ki N sta xinti. N ka ten ninhun dúvida ma N ta faze párti di un família rei di bunitu.”

Nu ta agradese Jeová pamodi el abênsua tudu kes kuza ki fazedu pa nu pode sisti Komemorason es anu. Má nu ta agradese Jeová i se Fidju, Jizus, prinsipalmenti pa kel amor grandi ki es mostra-nu. — João 3:16.