Dipôs di três anu ta faze planu, ta pripara i ta faze orason di korason, kumesa ta filmadu Stória di vida i trabadju di pregason di Jizus, na sésta-fera, dia 20 di maiu di 2022. Kel ekipa di irmons, di país diferenti, ki sta na Austrália, fika uma kontenti kantu es kumesa ta filma. Irmon Geoffrey Jackson, di Grupu Enkaregadu di Óbra, ki staba la kantu kumesa ta filmadu, fla: “É sábi dimás odja irmons animadu pa kumesa ta filma vídiu di stória di vida di Jizus, di mil minutu, ki ta ben toka korason di milhons di algen.”