Na verson 4 di JW Library pa língua jestual, ki atualizadu na dia 15 di febreru, lansadu un funson novu. Sô ku un kliki, kes algen ki ta uza língua jestual pode odja testus di Bíblia i otus fonti di matéria ki sta na un publikason. Asi es ta pode pripara runion i faze ses studu di Bíblia más faxi.

Dja ten txeu ténpu ki kes algen ki ta uza aplikativu JW Library ta konsigi faze piskiza ku kes link di testus di Bíblia ô pa otus publikason sen sai di kel pájina ki es sta ta lé. Má kel-li éra más difísil pa kes algen ki ta uza língua jestual pamodi es ka ta konsigiba odja kes referénsia ki ta staba na un vídiu sen sai di kel vídiu.

Ku aplikativu JW Library pa língua jestual, verson 4, kes referénsia ta parse sima link. Sô ku un kliki, kes algen ki ta uza-l pode abri kes otu vídiu i dipôs volta pa kel vídiu ki es staba ta odja na komésu.

Repara modi ki é fásil odja matéria pa runion di meiu di simana

Nu ten sertéza ma es funson novu ta ben djuda nos irmons ku irmans ki ta dipende di publikasons na língua jestual. Nu ta agradese Jeová pa es ajuda ki el da-nu, ki ta bira nos amizadi ku el más fórti. — Salmo 119:97.

Odja modi ki referénsia pa ‘kóbra’ ki sta na Génesis 3:1 ten un link ki ta leba pa Apocalipse 20:2 i el ta djuda sabe ken ki kel ‘primeru kóbra’