Milhons di Tistimunhas di Jeová i otus algen ta ben djunta térsa-fera, dia 7 di abril di 2020, pa kel runion más inportanti di anu: Komemorason di mórti di Jizus. Má pamodi koronavírus, kel anu li Komemorason ta ser diferenti. Txeu algen na mundu interu ta faze es Komemorason através di internet.

Pamodi es duénsa ki spadja, autoridadis supirior na txeu país ka sta dexa pa un monti algen djunta sô na un lugar. Pur isu, txeu kongregason na mundu interu, sta ta uza prugramas na internet pa faze runions tudu simana. Kes kongregason li tanbê ta ben uza internet pa faze Komemorason. Tanbê podu un diskursu gravadu na jw.org pa otus algen.

Más di 20 milhon di algen sisti Komemorason anu pasadu. Nu sta spéra ma milhons di otus algen ta sisti Komemorason através di prugramas na internet, tilifóni ô es ta odja kel diskursu gravadu ki sta na jw.org.

Na txeu país, koronavírus sta kontinua ta spadja i kel-la é un prigu pa txeu algen. Pa proteje nos irmons, nos tudu meste kontinua ta sigi kes orientason ki autoridadis supirior sta ta da, ti ki prigu pasa. Má nu ta kunfia ma Jeová ta djuda-nu i nu sta disididu na kontinua ta sigi órdi ki Jizus da: ‘Nhos kontinua ta faze kel-li pa nhos lenbra di mi.’ — Lucas 22:19.