Nos irmons ku irmans na sidadis di Mariupol, Kharkiv, Hostomel i na otus sidadi sta ta pasa pa txeu dizafiu pamodi kel ataki na Ukránia inda sta kontise. Dja ten más di un simana ki alguns di es ka sta konsigi sai di undi ki es sta. Ses kumida sta ta kaba, es tene falta di lus, es ka tene internet nen redi di telemóvel. Pur isu, sta ta ser difísil es konsigi pâpia ku irmons.

Infilismenti, irmon  Dmytro Rozdorskyi, ki é un ansion di 28 anu ki ta mora na Myrnohrad, móre dipôs ki el poi pé na un mina. Nu ta kontinua ta ora pa kes ki perde kes algen ki es ta ama i pa nos irmons ku irmans ki sta na kes lugar ki sta ta sufri txeu ataki di bonba. — 2 Tessalonicenses 3:1.

Ti 7 di marsu di 2022, nu resebe kes informason li di Ukránia:

• 2 publikador móre

• 8 publikador panha pankada

• 20.617 publikador fuji di ses kaza i es bai pa un lugar más suguru déntu di país

• 25 kaza fika distruídu

• 29 kaza fika txeu stragadu

• 173 kaza tevi stragu más pikinoti

• 5 Salon di Reinu fika tudu stragadu

• 27 Kumison di ajuda na ténpu di dizastri (DRCs) sta ta funsiona na Ukránia

• 6.548 publikador resebe ajuda di kes Kumison di ajuda na ténpu di dizastri pa es konsigi atxa un lugar más suguru.

• 7.008 publikador fuji pa otus país i la, es sta ta resebe ajuda di irmons

• 1 Salon di Asenbleia i uns 30 Salon di Reinu na oésti di Ukránia, sima na zóna di Chernevtsi, Ivano-Frankivsk, Lviv i Transcarpathian, priparadu pa resebe kes algen ki fuji