Óras ki algen disidi ser un publikador, el ta rekonhise ma organizason relijiozu di Tistimunhas di Jeová na mundu interu, kongregason di país na undi ki el ta mora, Asosiason di Tistimunhas di Jeová i tanbê otus organizason di Tistimunhas di Jeová, ta uza se informasons di akordu ku lei i interesi legal di relijion. Di akordu ku livru Organizados para Fazer a Vontade de Jeová, publikadoris ta da ses informason pesoal pa kongregason di ses livri vontadi, pa es pode partisipa na trabadju ligadu ku ses adorason i tanbê pa es resebe ajuda spritual. — 1 Pedro 5:2.

Publikadoris pode da otus informason pesoal pa Tistimunhas di Jeová, óras ki es ta ba ta faze otus trabadju relijiozu. Kes informason pesoal pode ser nómi, data di nasimentu, séksu, data ki es batiza, kontatu ô informason sobri modi ki ses amizadi ku Jeová sta, tanbê ses atividadi di pregason ô kalker otu trabadju ki es ta faze pa organizason. Kes informason tanbê pode ser kuzas ki ten aver ku ses krénsa relijiozu i tanbê otus informason pesoal sensível. Kuida di informasons pesoal pode inklui resebe, rejista, organiza, formata i guarda kel informason ô otus tipu di operason sima kes-li.

Lei di proteson di informasons na es país é:

Lei di proteson jeral di informasons (EU) 2016/679.

Di akordu ku kel Lei di proteson di informasons li, publikadoris ta seta pa Tistimunhas di Jeová uza ses informason pesoal pa trata asuntus relijiozu sima kes-li:

• pa partisipa na kalker runion di un kongregason di Tistimunhas di Jeová na kel país i na kalker trabadju ô projétu voluntáriu;

• pa skodje algen pa partisipa na un runion, asenbleia ô kongrésu ki ta gravadu i mandadu pa mundu interu, ki ta faze párti di prugrama di Tistimunhas di Jeová pa inxina;

• pa pode resebe ô kunpri kalker diziginason na kongregason, ki ta nvolve poi nómi ku diziginason di publikador na kuadru di avizu di un Salon di Reinu di Tistimunhas di Jeová;

• pa mante formuláriu Registo de Publicador de Congregação;

• pa faze vizita di pastoreiu i resebe ajuda ki ansions di Tistimunhas di Jeová ta da (Atos 20:28; Tiago 5:14, 15);

• pa guarda na lista di kontatu di imerjénsia ki ta uzadu óras ki kontise un imerjénsia.

Kes informason pesoal ta guardadu timenti es mestedu pa kunpri kes obijetivu ki dja nu pâpia di es ô algun otu obijetivu ki sta na lei. Si un publikador disidi ka sina formuláriu Declaração de Conhecimento e Consentimento para o Tratamento de Dados Pessoais, Tistimunhas di Jeová ka ta pode sabe si kel algen sta kualifikadu pa kunpri alguns diziginason na kongregason ô partisipa na alguns atividadi relijiozu.

Óras ki mestedu, pode mandadu informasons pesoal pa kalker organizason di Tistimunhas di Jeová. Publikadoris ta ntende ma alguns organizason di Tistimunhas de Jeová ta fika na país ki pode ten leis di proteson diferenti di kel país di undi ki el manda se informason. Tanbê es ta ntende, ma kalker un di kes país ki ta resebe ses informason, ki pode ser un di kes organizason di Tistimunhas di Jeová ki ta kolabora ku sédi mundial di Tistimunhas di Jeová na Mérka, sénpri ta kuida di kes informason di akordu ku Régras di Tistimunhas di Jeová sobri proteson di informasons pa mundu interu.

Publikadoris ten direitu di odja, pidi pa paga ô fla modi ki es krê pa prosesa ses informason pesoal ki organizason di Tistimunhas di Jeová tene. Tanbê, na kalker momentu es pode ka konkorda más ku manera ki ses informason pesoal ta ben uzadu na futuru na alguns situason. Sikrê publikador fla ma el ka ta konkorda más ku manera ki se informasons pesoal sta ta ser uzadu, Tistimunhas di Jeová pode kontinua ta uza alguns di se informason sen el konkorda, pa pode trata di asuntu relijiozu di akordu ku kel ki lei ta fla sobri mante i uza informasons pesoal di ses relijion na mundu interu ô kalker otu lei ki sta na Lei di proteson di informasons. Publikador ten direitu di kexa na autoridadi ki ta kontrola i djobe proteson di informasons na país ki el ta vive.

Tistimunhas di Jeová rezolve uza alguns sistéma di proteson tékiniku i di prosésus di akordu ku Lei di proteson di informasons, ku obijetivu di proteje informasons pesoal. Publikadoris sabe ma sô alguns algen ki é autorizadu ki pode odja ses informason pesoal pa kunpri obijetivus ki dja nu pâpia di es.

Kalker pergunta ki ta fazedu pa enkaregadu di proteson di informasons pode mandadu pa e-mail, pa:

DataProtectionOfficer.BE@jw.org.

Publikadoris sabe ma identidadi i informason di kontatu di kel algen ki ta kuida di informasons di kel país ki es ta vive, i na alguns kazu, di ses reprizentanti i di enkaregadu di proteson di informasons ta sta na pájina di Kontatus pa proteson di informasons di site jw.org.

Pode ser ki di ténpu en ténpu, nu muda nos manera di trata informasons, pamodi mudansas na nos atividadis relijiozu, na lei ô na tekinolojia ki nu ta uza. Si algun bês nu meste muda kel pájina di Uzu di informasons pesoal, nu ta publika kes mudansa na kel pájina li. Asi publikadoris sénpri ta sabe kal ki é alguns informason ki nu tra i modi ki nu ta uza-s. Favor, di ténpu en ténpu djobe si fazedu mudansas na kel pájina li.